Laugardagur 28. janúar, 2023
2.1 C
Reykjavik

Listaverkauppboð til styrktar börnum á flótta – Fjöldi listamanna býður list sína

Helgarviðtalið

- Auglýsing -

Orðrómur

- Auglýsing -

Félagasamtökin Réttur barna á flótta efnir til listaverkauppboðs til a styrktar börnum á flótta. Fjöldi listamanna gefa list sína fyrir málefnið.

Eftirfarandi fréttatilkynning barst frá Réttur barna á flótta, félagasamtökunum:

Listaverkauppboð til styrktar börnum á flótta 

Þann 17. desember 2022 milli kl. 14 og 16 verður haldið listaverkauppboð í Iðnó þar sem gestir geta stutt við börn á flótta með því að fjárfesta í dásamlegum listaverkum og njóta skemmtiatriða. 

Á bak við uppboðið standa félagasamtökin Réttur barna á flótta. Þau bjóða upp á stuðning, lögfræðilegan og félagslegan, við börn og barnafjölskyldur sem þurfa að leita réttar síns í samræmi við Barnasáttmála Sameinuðu þjóðanna. Þau vilja tryggja viðeigandi málsmeðferð allra barna með því að skapa fordæmi í slíkum málum. 

Listaverk af öllum toga verða í boði, hægt verður að bjóða í verk eftir marga af okkar bestu listamönnum en einnig verða í boði verk eftir börn sem vilja leggja sitt á vogarskálarnar og styðja við börn á flótta. Meðal listamanna sem hafa gefið verk á uppboðið eru Guðjón Ketilsson, Marit Trönqvist (myndhöfundur Astrid Lindgren), Hallgrímur Helgason, Þrándur Þórarinsson, Tinna Þorvalds Önnudóttir, Baldur Helgason, Þorvaldur Jónsson og Mireyja Samper. Fleiri bætast við á degi hverjum! 

- Auglýsing -

Verið öll velkomin í Sunnusal, Iðnó, Vonarstræti 3, og styðjið gott málefni meðan þið njótið tónlistar og myndlistar. 

Sjá má yfirlit yfir verk á vef Réttar barna á flótta

Áhugasöm sem ekki komast á listaverkauppboðið geta haft samband við okkur á [email protected] með upplýsingar um lágmarks- og hámarksboð í verk. Þá munu sjálfboðaliðar okkar bjóða í verkið fyrir þína hönd og hækka um 5.000 kr. í senn komi einhver móttilboð, þar til hámarksupphæð þinni er náð. 

- Auglýsing -

Finna má viðburðinn hér á Facebook.  

Réttur barna á flótta, félagasamtök 

Listamenn:

Marit Trönqvist
Guðjón Ketilsson
Berglind Ágústsdóttir
Tinna Þorvalds Önnudóttir
Hallgrímur Helgason
Þrándur Þórarinsson
Mireyja Samper
Kristín Reynisdóttir
Baldur Helgason
Glytta Brandt
Jón Sæmundur Auðarson
Þorvaldur Jónsson
Þórdís Alda Sigurðardóttir
Úlfur Karlsson
Sunna Ben
Ólöf Rún Benediktsdóttir
Ninna Þórarinsdóttir
Helga Björnsson

Og fleiri …

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.
Fullum trúnaði er heitið.

Deila

Nýtt í dag

Mest lesið í vikunni

Í fréttum er þetta helst...

- Auglýsing -