Leitin að Stefáni Arnari Gunnarssyni heldur áfram á næstu dögum eftir talsvert hlé. Lögreglan fann hjól og bakpoka sem grunur leikur á að sé í eigu Stefáns.
Stefáni Arnari Gunnarssyni hefur verið leitað frá því á föstudaginn 3. mars eða degi eftir að síðast sást til hans. Hefur hans aðallega verið leitað í og við Álftanes en björgunarsveitir ásamt Landhelgisgæslunni og fleiri viðbrgaðsaðilar hafa tekið þátt í leitinni ásamt lögreglunni. Notast hefur verið við þyrlur, kafara, báta og dróna svo eitthvað sé nefnt.
Í samtali við Mannlíf staðfesti lögreglan að reiðhjól hafi fundist á Álftanesi sem ekki hefur fengist staðfest að hafi verið í eigu Stefáns. Þá fannst einnig bakpoki í flæðamálinu við Álftanes sem lögreglan gengur út frá að sé í hans eign, þó hún geti ekki staðfest það með vissu. Segir lögreglan að leit haldi áfram á næstu dögum og í kjölfarið taka ákvörðun um framhaldið.
Stefán Arnar er 44 ára og búsettur á Arnarhrauni í Hafnarfirði.