Lögreglan fór á hótel í hverfi 105 í Reykjavík í ddag og stöðvaði starfsemina.
Nokkuð rólegt var á höfuðborgarsvæðinu í dag samkvæmt dagbók lögreglunnar. Fimm aðilar voru stöðvaðir í akstri undir áhrifum fíkniefna eða áfengis, auk þess sem tveir þeirra voru ökuréttindalausir. Þá gaf einn þeirra upp rangt nafn og kennitölu.
Víðáttuölvaður einstaklingur var handtekinn og vistaður í fangageymlur eftir líkamsárás. Þá voru 20 skráningarnúmer tekin af bifreiðum í Hafnarfirðinum, bæði vegna þess bifreiðarnar reyndust ótryggar og/eða óskoðaðar.
Þá fór lögreglan á hótel í hverfi 105 en búið var að afturkalla leyfið og er reksturinn einungis með leyfi fyrir heimagistingu. Þegar lögreglan kom á vettvang kom í ljós að of margir gestir voru á staðnum og var eiganda gert að hætta starfseminni. Var gestum gefinn frestur til að yfirgefa húsnæðið og eiganda gefinn frestur til að koma þeim út.