Mannanafnanefnd samþykkti tólf beiðnir um ný nöfn 5.,6., og 13. september og 3. október. Nefndin hafnaði þá tveimur beiðnum.
Nöfnin sem voru samþykkt eru karlmannsnöfnin Aldur, Reinhard, Jarpi, Jasper, Ljóni, Thorsteinn, Yrkir og Marley og kvenmannsnöfnin Delía, Katra, Heidi og Evelía.
Nöfnunum sem var hafnað eru kvenmannsnafnið Amarie og karlmannsnafnið Ezra.
„Eiginnafnið Ezra (kk.) er ekki ritað í samræmi við almennar ritreglur íslensks máls þar sem bókstafurinn z er ekki notaður í íslenskri stafsetningu. Á þennan rithátt nafnsins er því aðeins heimilt að fallast ef hann telst hefðaður samkvæmt lögum um mannanöfn,“ segir meðal annars í úrskurði um nafnið Ezra.
„Eiginnafnið Amarie (kvk.) getur ekki talist ritað í samræmi við almennar ritreglur íslensks máls þar sem e er ekki ritað næst á eftir i í íslensku,“ segir um nafnið Amarie.
Nánar um úrskurði nefndarinnar hér.