Fyrirsætan Nadía Sif Líndal virðist ekki eiga sjö dagana sæla. Hún birtir á Twitter skjáskot af hópspjalli nokkra manna og eru ummælin sem falla þar engum til sóma. Einn virðist gantast með það að honum langi að myrða hana.
Nadía skrifar á Twitter: „Ætla sýna ykkur hvernig þessir strákar eru sem ég er gjörsamlega komin með nóg af núna. Þeir sendu t.d. þetta á milli sín í einhverju group chatti þegar hundurinn minn dó. Og Þetta er bara brotabrot.“
Skjáskotið sem hún deilir má sjá hér fyrir neðan en þar má sjá einn notanda, jonragnarr, hafa það í flimtingum að hann ætli að drepa hana. „Hún mun ekki deyja gömul því ég mun drepa hana einn daginn,“ skrifar sá.
Nadía segir svo í öðru tísi: „Líka smá fyndið að þegar þetta gerist þá horfði ég á nokkra stráka í þessum hóp sem vini mína. Var með þeim í skóla og búin að þekkja þá síðan ég var ca. 13 ára.“
