Samkvæmt dagbók lögreglu ökumaður bifreiðar stöðvaður. Aðspurður um kennitölu gaf ökumaðurinn lögreglu upp ranga kennitölu þar sem hann reyndist vera sviptur ökuréttindum. Ökumaðurinn upplýstir síðar rétta kennitölu eftir að lögregla hafði séð að hann var ekki að gefa réttar upplýsingar. Ökumaðurinn er einnig grunaður um akstur bifreiðar undir áhrifum fíkniefna.
Um tíuleytið í gær var tilkynnt um líkamsárás í verslun,í Kópavogi. Ungur maður réðst á starfstúlku verslunarinnar og slær hana ítrekað í andlitið. Árásarþoli var með roða í vanga og blóð í munnviki. Reynt að ræða við árásaraðilann sem var á vettvangi ásamt föður sínum. Mögulega er um veikindi að ræða.
Tilkynnt um eld í Hafnarfirði á sjöunda tímanum í gær. Ökumaður bifreiðarinnar hafði setið í um það bil 15 mínútur í bifreiðinni og fór þá að finna einhverja lykt. Skömmu eftir að ökumaður yfirgaf bifreiðina fór að loga undir vélarhlífinni. Slökkviliðið kom á vettvang og slökkti eldinn. Bifreiðin var mikið skemmd og var flutt af vettvangi með Króki.
Um hálf sexleytið í gærdag var tilkynnt um eld í eldhúsi hótels, í austurborginni. Eldur sagður hafa verið í eldunareyju þar sem eru hellur, pönnur og steikingarpottur knúið af rafmagni. Starfsfólk var búið að aftengja rafmagn, engin slys urðu á fólki. Mikinn reyk lagði frá hótelinu er lögreglu bar að garði. Slökkvilið mætti og tók við vettvangi. Eldurinn var sagður afmarkaður i eldhúsi.