Ólétta Elín Metta

Knattspyrnukonan og læknaneminn Elín Metta Jensen og Sigurður Tómasson, verkefnastjóri hjá Vex, hafa tilkynnt að þau eigi von á barni en það gerðu þau á samfélagsmiðlinum Facebook.

Elín Metta hefur verið ein besta knattspyrnukona landsins á öldinni en hún hefur spilað 189 leiki í efstu deild kvenna og skorað í þeim 134 mörk. Þá hefur hún einnig spilað 62 landsleiki fyrir hönd Íslands og skorað í þeim 16 mörk. Elín Metta er uppalin Valsari og hefur spilað allan sinn feril með Val ef undanskilið er árið 2023 þegar hún spilaði með Þrótti.