Laugardagur 18. maí, 2024
3.8 C
Reykjavik

Katrín verði forseti en Jón Gnarr fari í Þjóðleikhúsið: „Happ fyrir þjóðina“

VefTv

- Auglýsing -

Hlaðvörp

- Auglýsing -

„Katrín mun líklega rúlla þessu upp,“ skrifar Össur Skarphéðinsson, fyrrverandi formaður Samfylkingar, um framboð Katrínar Jakobsdóttur, fráfarandi forsætisráðherra, til embættis forseta Íslands. Össur lýsir eindregnum stuðningi við Katrínu og mun kjósa hana. Katrín mælist með mest fylgi frambjóðenda í skoðanakönnunum. Næstur henni er Baldur Þórhallsson prófessor en þar á eftir kemur Jón Gnarr.

„Mér finnst sennilegt að bilið aukist þegar hún hefur tóm til fara í kosningabaráttu og tala við þjóðina,“ skrifar hann en lýsir einnig aðdáun sinni á Jóni Gnarr sem hann vill þó sjá í öðru hlutverki. „Mér finnst einnig líklegt að Jón Gnarr sæki í sig veðrið (en ég vil hann sem Þjóðleikhússtjóra)“.

Hér má lesa færsluna í heild sinni:

„Minn forseti!

Katrín mun líklega rúlla þessu upp. – Mér finnst sennilegt að bilið aukist þegar hún hefur tóm til fara í kosningabaráttu og tala við þjóðina. Mér finnst einnig líklegt að Jón Gnarr sæki í sig veðrið (en ég vil hann sem Þjóðleikhússtjóra). – Ég hef starfað náið með Katrínu, verið samherji hennar en líka staðið gegnt henni hinu megin víglínunnar. Samskipti okkar leiddu mig fyrir löngu að þeirri niðurstöðu að í fyllingu tímans yrði hún frábært forsetaefni. Það sagði ég opinberlega við Moggann í fyrra án þess að hafa nokkra hugmynd um að núverandi forseti myndi hafa svo hratt á hæli. Ég tel að það sé happ fyrir þjóðina að eiga nú kost á að kjósa hana á Bessastaði, og það ætla ég að gera með gleði í hjarta. Af mörgum ágætum er Katrín Jakobsdóttir einfaldlega langbesti kosturinn.“

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.

Fullum trúnaði er heitið.

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -