Miðvikudagur 17. apríl, 2024
3.1 C
Reykjavik

Samstöðuganga boðuð við Hallgrímskirkju: „Nú verður að grípa til alvöru aðgerða“

VefTv

- Auglýsing -

Hlaðvörp

- Auglýsing -

Félagið Ísland-Palestínu boðar til samstöðugöngu fyrir utan Hallgrímskirkju á laugardaginn 27. janúar.

Klukkan 14 á laugardaginn næsta mun fólk safnast saman fyrir framan Hallgrímskirkju og þaðan verður gengið niður Skólavörðustíg, að Alþingi á Austurvelli en þar mun fara fram samstöðufundur.

Í viðburðalýsingu um gönguna á Facebook segir að nú sé „mikilvægara en nokkru sinni að almenningur láti rödd sína heyrast gegn þjóðarmorðinu á Palestínufólki – almenningur í landinu styður Palestínu, þó stjórnvöld hafi enn ekki beitt sér í samræmi við vilja þjóðarinnar!“

Þá segir einnig í lýsingunni að aðstandendur mótmæli „harðlega aðgerðarleysis Alþingi í ljósi yfirstandandi þjóðernishreinsanna Ísraels.“ Og bæta við: „Nú eru liðnir tveir mánuðir frá því að Alþingi samþykkti samhljóða ályktun um vopnahlé og að bera skyldi að rannsaka stríðsglæpi Ísraels. Sú ályktun hefur ekki dugað til, og nú verður að grípa til alvöru aðgerða. Börn eru aflimuð og konur gangast undir keisarskurð á nokkurra verkjalyfja. Engin spítali á Gaza hefur ekki verið sprengdur og eyðilagður. Þeir sem ekki deyja vegna sprengjuregnsins falla vegna kulda, sjúkdóma eða hungurs, því Ísrael hleypir ekki inn lyfjum, mat, vatni né hlífðarfatnaði. Lítil börn fá hjartaáföll úr hræðslu. Ef við ætlum að geta lifað með reisn þá verður Alþingi að grípa til alvöru aðgerða.“

Samkvæmt lýsingunni erukröfur fundarins eftirfarandi:

– Slítið stjórnmálasambandi við Ísrael!
– Beitið viðskiptaþvingunum á Ísrael!
– Gerið skyldu ykkar og styðjið kæru Suður-Afríku gegn Ísrael fyrir Alþjóðadómstólnum!
– Fjölskyldusameiningar strax!
– Alþjóðlega vernd fyrir Palestínufólk strax!
– Vopnahlé strax!

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.

Fullum trúnaði er heitið.

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -