Sunnudagur 29. janúar, 2023
2.1 C
Reykjavik

Sanna vill frysta laun borgarfulltrúa í ár: „Skoðum stóra samhengið“

Helgarviðtalið

- Auglýsing -

Orðrómur

- Auglýsing -

Hin skelegga Sanna Magdalena Mörtudóttir, borgarfulltrúi Sósíalistaflokks Íslands segir að borgarfulltrúar meirihlutans vilji ekki skoða „sína eigin sjálftöku“ og á þá við himinhá laun þeirra.

Í nýrri færslu á Facebook skrifar Sanna um leiðir til að spara pening fyrir Reykjavíkurborg. Segir hún að með því að frysta laun borgarfulltrúa og fyrstu varaborgarfulltrúa á næsta ári, megi spara 29 milljónir. En segir hún að borgarfulltrúar meirihlutans vilji ekki „vasast í eigin launum“ en biður fólk að líta á stóra samhengið og tekur svo til nokkur dæmi um það hvað hægt er að gera við 29 milljónir króna.

„Stóra samhengið

Með því að frysta laun borgarfulltrúa og fyrstu varaborgarfulltrúa á næsta ári, má spara 29 milljónir.
Borgarfulltrúar meirihlutans tala um að „vilja ekki vasast í sínum launum.“ Borgarfulltrúar tala um að velta við öllum steinum og skoða hverja einustu krónu við gerð fjárhagsáætlunar en það má alls ekki skoða þær milljónir króna sem fara til okkar borgarfulltrúa.
Talað er um að laun okkar séu svo lítil í stóra samhenginu. Launafrysting myndi ekki skila miklu. Hið rétta er að borgarfulltrúar vilja ekki skoða sína eigin sjálftöku eða líta hana gagnrýnum augum.
29 milljónir má nýta til að halda uppi starfssemi Sigluness á næsta ári, þar sem borgarstjórn telur sig spara 23 milljónir með því að leggja Siglunes niður.
29 milljónir mætti nota til að koma í veg fyrir skerðingu á opnunartíma félagsmiðstöðva. Með því að stytta opnunartíma á félagsmiðstöðvum fyrir unglinga frá 22:00 til 21:45 telur borgarstjórn sig spara 9 milljónir 859 þúsund krónur á ári.
29 milljóir væri hægt að nota til að greiða öllum sem eru á skammarlegri lágri upphæð fjárhagaðstoðar, desemberuppbót. En nú eru reglurnar þannig að einungis þau sem hafa fengið fulla fjárhagsaðstoð undangengna þrjá mánuði samfellt, fá desemberuppbót. Hún er 25% af fjárhæðinni.
Ef borgarstjórn myndi sammælast um að taka ekki við launahækkunum á næsta ári, þá gætum við veitt þessa desemberuppbót til allra sem eru með tekjur fjárhagsaðstoðar en samt átt 9 milljónir kr. eftir.
Skoðum stóra samhengið.“

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.
Fullum trúnaði er heitið.

Deila

Nýtt í dag

Mest lesið í vikunni

Í fréttum er þetta helst...

- Auglýsing -