Þriðjudagur 21. maí, 2024
4.8 C
Reykjavik

Segir IMF ætíð skila ársreikningum: „Hafi svo ekki verið þá fáum við örugglega útskýringar frá PWC“

VefTv

- Auglýsing -

Hlaðvörp

- Auglýsing -

Jón Kaldal segir Icelandic Wildlife Fund ætíð hafa skilað ársreikningi og hægt sé að sjá þá á heimasíðu sjóðsins.

Bæjarins besta skrifaði frétt í dag þar sem kemur fram að umhvefissjóðurinn Icelandic Wildlife Fund hafi ekki skilað ársreikningi til Ríkisendurskoðunar frá stofnun sjóðsins árið 2017. Segir fréttavefurinn að þetta megi sjá á skýrslu embættisins frá því í janúar á þessu ári.

Mannlíf hafði samband við Jón Kaldal sem er ritstjóri og ábyrgðamaður heimasíðu IWF og spurði hann út í frétt bb.is.

Eftirfarandi svar barst frá Jóni:

„PWC sér um þetta fyrir IWF. Ársreikningar hafa alltaf verið gerðir og fyrir tilsettan frest.

IWF er grasrótarstofnun og er ekki rekin í ágóðaskyni (non-profit). Sjóðurinn stundar ekki atvinnurekstur og aflar sér fjármuna til verkefna með frjálsum framlögum frá einstaklingum, fyrirtækjum og stofnunum. Hann er sjálfseignarstofnun og starfar samkvæmt lögum nr. 19/1988 um sjóði og stofnanir sem starfa samkvæmt staðfestri skipulagsskrá. Samkvæmt þeim lögum ber sjóðnum ekki að senda ársreikning til Ársreikningaskrá (RSK) en skal skila Ríkisendurskoðun ársreikningi eigi síðar en 30. júní ár hvert fyrir næstliðið ár.
Við stöndum í þeirri trú að PWC hafi skilað þeim upplýsingum sem skylt er og þeim er greitt fyrir að gera. Hafi svo ekki verið þá fáum við örugglega útskýringar frá PWC um hvað klikkaði.“

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.

Fullum trúnaði er heitið.

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -