Þriðjudagur 18. júní, 2024
7.7 C
Reykjavik

Segir tilvist Vinstri grænna í verulegri hættu: „Þeim var nær“

VefTv

- Auglýsing -

Hlaðvörp

- Auglýsing -

Björn Birgisson bendir á þróun Vinstrihreyfingarinnar græns framboðs, síðustu árin í nýrri færslu á Facebook. Segir hann tilvist flokksins á Alþingi komna í verulega hættu.

Hinn orðhvassi samfélagsrýnir frá Grindavík, Björn Birgisson vekur oft athygli með færslum sínum á Facebook þar sem hann rýnir oftar en ekki í málefni líðandi stundar í samfélaginu. Í nýlegri færslu tekur hann fyrir Vinstri græna.

Notar Björn tölfræði til að sýna þróun hjá stjórnarflokknum síðustu árin en tölurnar sýna að flokkurinn er við það að detta af þingi. Í kosningunum 2017 náðu Vinstri grænir ellefu þingmönnum inn með 16,9 prósent atkvæða, átta þingmönnum árið 2021 með 12,6 prósentum atkvæða en í nýjustu skoðaðanakönnuninni næði flokkurinn ekki nema fjórum þingmönnum inn með einungis 6,4 prósent atkvæða. „Þeim var nær,“ segir Björn, fyrir að fara í samstarf við Sjálfstæðisflokkinn. Færsluna má lesa hér fyrir neðan.

„Úr 16,9% og niður fyrir sársaukaþröskuldinn?

Sú virðist stefnan vera hjá Vinstri grænum!
**********
Til þess að flokksbundið fólk ákveði að hætta stuðningi við flokkinn sinn þarf nokkuð mikið að hafa gengið á áður.
Flokksbundið fólk myndar harðasta kjarna flokkanna.
Yfirleitt er flokkstryggð mikil hérlendis, en hún fer þó minnkandi.
Ef 40 flokksbundnir fara, hvað má þá reikna með að margir óflokksbundnir kjósendur ákveði að kjósa eitthvað annað?
Tífalt fleiri?
Miklu fleiri?
Tilvist flokksins á Alþingi er komin í verulega hættu.
**********
Nokkrar tölur VG flokksins:
2017, kosningar, um 34500 atkvæði eða 16,9%. Ellefu þingmenn.
2021, kosningar, um 25100 atkvæði eða 12,6%. Átta þingmenn.
2023, kannanir í mars, um 13000 atkvæði eða 6,4%. Fjórir þingmenn.
**********
Þetta er VG flokkurinn að uppskera eftir samstarfið við mestu hægri flokka landsins, sérstaklega Sjálfstæðisflokkinn.
Þeim var nær.
Sögulegar staðreyndir voru sem viðvörunarbjöllur.
Það er alltaf gott að líta til sögunnar.“

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.

Fullum trúnaði er heitið.

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -