Lenya Rún Taha Karim, varaþingmaður Pírata segir úrræðaleysi einkenna málefni heimilislausra og útlendinga sem hingað koma.
Varaþingmaðurinn segir í nýrri færslu á Twitter að það sé skortur á úrræði fyrir heimilislaust fólk með vímuefnavanda og að alltaf sé verið að etja saman þeim hópi og útlendingum sem hingað flytja. Vandi þeirra sé sá sami, úrræðaleysi.
„Mikið vildi ég að við byggjum í landi sem væri með fullnægjandi úrræði fyrir fólk sem er heimilislaust og glímir við vímuefnavanda. Alltaf verið að taka vinkilinn “heimilislausir Íslendingar vs. útlendingar” en þegar það kemur að framkvæmd eru þetta bæði jafn úrræðalausir hópar“.
Einhver sem kallar sig Helstreymi skrifaði áhugaverða athugasemd við færslu Lenyu Rún.
„Mig grunar að það sé hópur af fólki sem vill ekki sjá raunveruleg úrræði fyrir heimilausa, fatlaða eða aldraða. Þetta er hópurinn sem skýlir sér á bak við stöðu þessa fólks þegar hann skýtur á innflutta og flóttafólk. Án þeirra er ekkert eftir nema útlendingahatrið.“