Breiðhyltinguringur Sindri Kristjánsson greinir frá því á samfélagsmiðlinum Facebook að hann hafi fengið bréf frá Félagsbústöðum. Í bréfinu er Sindri áminntur vegna ætlaðra brota á leigusamningi. Í bréfinu er sagt að Sindri hafi sýnt af sér ógnandi hegðun og tilburði undanfarið og er sagt að sú hegðun beinst að fólki í nánasta umhverfi hans og valdi nágrönnum hans kvíða og öryggisleysi.
Ásamt því að birta bréfið frá Félagsbústöðum birtir Sindri svarbréf sitt en í því heldur hann því fram að um lygar sé að ræða og hann fer fram á Félagsbústaðir sanni mál sitt. Þá vill hann vita hvaða fólk heldur þessu fram en hann hafi rætt við nágranna sína eftir að hafa fengið bréfið í sínar hendur og það kannast ekki við að hafa kvartað undan hegðun hans og hafi ekkert út á hann að setja. Þá tekur hann sérstaklega fram að hann sé ekki kynþáttahatari en DV greindi frá því að Sindri hafi birt myndbönd í mars sem einkennist af útlendingahatri.
„Erlendir krakkar eru farnir að tala blygðunarlaust útlensku á götunum. Þegar þeir komu hingað þá voru þeir svolítið hógværir og héldu sínum siðum í leynum en núna eru þeir farnir að gera þetta algengt og ætla að láta mann sætta sig við þennan djöfulsins viðbjóð. Ég er ekki ánægður með þetta. Ég mun aldrei sætta mig við þennan helvítis djöfulsins andskotans viðbjóð,“ sagði Sindri í einu myndbandi.
„Ég tek það fram að það eru margir útlendingar sem búa í blokkinni, og ef þið eruð að beita mig þessu óréttlæti út af mínu meintu kynþáttahatri, þá eruð þið bara að sýna það að útlendingar eru vondir, ef það eru þeir sem eru að gera mér þetta,“ skrifar Sindri meðal annars í svarbréfi sínu.
Hægt er að lesa bréf Félagsbústaða og svar Sindra hér fyrir neðan
