Gríðarleg óánægja er með ríkisstjórnina hvað varðar uppbyggingu húsnæðismála samkvæmt nýrri skoðanakönnun Maskínu.
Samtök leigjenda sendi frá sér fréttatilkynningu í gær þar sem farið er lauslega yfir niðurstöðu skoðanakönnunar Maskínu um ýmsa þætti er snúa að leigumarkaðinn. Fréttatilkynningin er eftirfarandi:
Maskína gerði skoðanakönnun fyrir Samtök leigjenda á Íslandi um ýmislegt er varðar leigumarkaðinn, meðal annars um afstöðu almennings gagnvart því sem hvernig ríkisstjórmin stæði sig í húsnæðismálum.
Spurt var: Hversu vel eða illa finnst þér ríkisstjórnin hafa staðið sig í uppbyggingu húsnæðismála? Og: Hversu vel eða illa finnst þér Innviðaráðherra Sigurður Ingi Jóhannsson hafa staðið sig í uppbyggingu húsnæðismála?
Niðurstaðan varð sú að 5,3% sögðu að ríkisstjórnin hefði staðið sig mjög eða fremur vel en 67,1% mjög eða fremur illa. 27,7% sögðu ríkisstjórnina hafa staðið sig hvorki vel né illa.
Niðurstaðan varðandi Sigurð Inga sérstaklega varð sú að 7,7% sögðu að Sigurður Ingi hefði staðið sig mjög eða fremur vel en 59,8% mjög eða fremur illa. 32,5% sögðu ríkisstjórnina hafa staðið sig hvorki vel né illa.
Af þessu má vera ljóst að fáum landsmönnum finnst ríkisstjórnin eða innviðaráðherra standa sig vel í uppbyggingu húsnæðismála, sem þó er að flestra mati eitt allra mikilvægasta viðfangsefni ríkisstjórnarinnar.
Könnunin var gerð dagana 15.-22. júní síðastliðinn og voru svarendur
966.
Fyrir hönd Leigjendasamtakanna.
Yngvi Ómar Sighvatsson