Fimmtudagur 11. ágúst, 2022
9.8 C
Reykjavik

Sólveig Anna segir mikilvægt að stuðla ekki að því að smit berist manna á milli

Helgarviðtalið

- Auglýsing -

Orðrómur

- Auglýsing -

Stéttarfélögin sem undirrituðu kjarasamninga um helgina geta ekki haldið fjölmenna fundi til að kynna samningana, líkt og venjan er. Þau hyggjast í staðinn nota rafrænar leiðir.

Stéttarfélögin sem sömdu fyrir hönd félagsmanna sinna um helgina og á mánudaginn þurfa að grípa til óvenjulegra ráðstafana vegna kórónaveirunnar. Útilokað er að haldnir verði fjölmennir kynningarfundir, eins og venjan er þegar kjarasamningar eru kynntir. Sólveig Anna Jónsdóttir, formaður Eflingar, segir að ekki hafi þótt ástæða til að aflýsa fundi með trúnaðarmönnum Eflingar sem starfa hjá Reykjavíkurborg. Hann fór því fram á fimmtudagskvöld.

Efling skrifaði undir kjarasamning við Reykjavíkurborg á mánudag, eftir langar og erfiðar samningaviðræður. Þar var skrifað undir fyrir hönd 1.850 starfsmanna borgarinnar. Sólveig Anna segir að margir félagsmenn Eflingar vinni í eldhúsum en í félaginu sé einnig fólk sem starfar á hjúkrunarheimilum og í heimaþjónustu. Því sé afar mikilvægt að stuðla ekki að því að smit berist manna á milli.

„Við bregðumst við þessu í ljósi aðstæðna í samfélaginu,“ segir Sólveig Anna í samtali við Mannlíf. Hún segir að í stað þess að halda fjölmenna fundi standi til að taka upp kynningu og útbúa ítarlegt kynningarefni sem sé aðgengilegt þeim sem við eiga á Netinu. Þess sé auk þess gætt eftir fremsta megni í húsakynnum Eflingar að ganga þannig um húsið að sem minnst hætta sé á smiti.

Ítarlegri umfjöllun er um málið í helgarblaðinu Mannlíf.

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.
Fullum trúnaði er heitið.

Deila

Nýtt í dag

Mest lesið í vikunni

Í fréttum er þetta helst...

- Auglýsing -