Samkvæmt nýjum vef Stundarinnar og Kjarnans kemur fram að mótun nýs og framsækins fréttamiðilis sé nú í pípunum. Þá verður hugmyndafræði miðilisins byggð á valddreifingu- og eflingu almennings með óháðri og gagnrýnni miðlun frétta.
Að öllu óbreyttu tekur sameiningin formlega gildi um áramótin en stefnt er að útgáfu hins nýja miðils föstudaginn 13. janúar 2023. Framkvæmdarstjóri miðilsins verður Jón Trausti Reynisson. Ritstjórar verða Ingibjörg Dögg Kjartansdóttir og Þórður Snær Júlíusson. Rannsóknarritstjóri verður Helgi Seljan.
Eignaraðild Kjarnans og Stundarinnar er dreifð. Í dag eru miðlarnir í eigu starfsfólks og áhugafólks um óháða blaðamennsku en mun eignaraðild hins nýja miðils vera enn dreifara þar sem engum er ætlað að eignast meira en 8% hlut.
Skrifstofan fjölmiðilsins verður að Aðalstræti 2. Þá segir á heimasíðunni:„Talið er að á þeim stað hafi Ingólfur Arnarson, fyrsti landnámsmaður Íslands, dregið skip sín í naust fyrir 1.100 árum. Fyrsti kaupmaðurinn í Reykjavík byggði þar hús 1780 og öll húsnúmer gatna í Reykjavík telja frá þessari staðsetningu. Þetta er ekki fyrsta fréttaritstjórnin í Aðalstræti, því um árabil voru skrifstofur Morgunblaðsins í næsta húsi.“
Fyrirvari: Útgáfufélag Stundarinnar er að hluta í eigu Góðs punkts ehf. sem á Sólartún ehf. útgáfu Mannlífs og Víns og matar.