Sverrir Agnarsson segir að voðaverkin sem Ísraelar saka Hamas-liða um að hafa framið þann 7. október, vera smá saman að týna tölunni.
Fyrrverandi formaður Félags múslima á Íslandi, Sverrir Agnarsson segir á Facebook í dag að þau voðaverk sem Hamas-liðar eru sagðir hafa framið á saklausum íbúum Ísrael þann 7. október, vera að týna tölunni. Telur hann upp þau helstu og rengir.
„Það voru engin 40 kornabörn afhöfðuð og ekki einu sinni eitt, það var ekkert barn brent í ofni. 200 illa brunnin lík sem áttu að sýna meðferð þeirra á Ísraelum reyndust vera af Hamasliðum brend af IDF þannig að þau voru óþekkjanleg, hús sem þeir voru sakaðir um að hafa brent til grunna og útrýmt þannig heilu fjölskyldunum voru skotmörk Ísraelskra þyrla enda sýna vegsummerkin rústir sem ekki er hægt að rekja til Kalashnikov hríðskotariffla og/eða sprengjuröranna sem Hamas hafði með sér en líkjast aftur á móti rústunum á Gaza sem IDF stendur fyrir. Likamsleifarnar í kæligámnum sem áttu að vera útlimir sem Hamas hafi dundað sér við að skera af lifandi og dauðum – líkjast þeim líkamsleifum sem Gazabúa hrasa um þegar þeir leita eftir ástvinum í rústunum.“ Þá segir hann að lýsingin á fóstri sem á að hafa verið skorið innan úr konu, komu frá bloggara „sem afritar lýsingar af nákvæmlega þannig illvirki frá flóttamannabúðunum í Sabra og Shatíla þegar hemdarvekamenn á vegum Ísraela frömdu þar óhugguleg fjöldamorð 1982 og blaðamaðurinn Robert Fisk lýsir í bókinn The Conquest of the Middle East.“
Segir hann að þá standi eiginlega aðeins ásakanir um nauðganir eftir en að þar „vantar bara viagrað sem Líbýumenn voru sakaðir um að hafa gefið nauðgandi hermönnum en sem Amnestiy sannaði að aldrei var gert.“ Segir hann nauðgunarsögum af Hamas-liðum fjölgi í takt við það hvernig hinar ásakanirnar týna tölunni.