Föstudagur 12. apríl, 2024
2.8 C
Reykjavik

Telur Bjarna á leið út úr pólitík: „Talan nær ekki einu sinni fylgi Sjálfstæðisflokksins!“

VefTv

- Auglýsing -

Hlaðvörp

- Auglýsing -

Traust til Bjarna Benediktsson utanríkisráðherra mælist nú í sögulegu lágmarki. Björn Birgisson telur nýjar tölur Maskínu auka líkurnar á að Bjarni sé á útleið.

Samfélagsrýnirinn frá Grindavík, Björn Birgisson skrifaði færslu á Facebook um nýjustu tölur úr skoðanakönnun Maskínu sem sýndu hvað þjóðin ber gríðarlega lítið traust til ríkisstjórnar Katrínar Jakobsdóttur og þá sérstaklega til Bjarna Benediktssonar utanríkisráðherra. Segir Björn að niðurstöðurnar komi ekki mikið á óvart en sé „gjörsamlega sláandi afgerandi hvað varðar Bjarna Benediktsson formann Sjálfstæðisflokksins,“ en einungis 16,7 prósent svaranda sögðust bera mikið traust til hans. „Talan nær ekki einu sinni fylgi Sjálfstæðisflokksins!“ skrifaði Björn og bætti við að meðaltal ráðherra ríkisstjórnarinnar hafi verið 27,5 prósent.

Björn segir svo að lokum að svona niðurstaða auki varla áhuga Bjarna á að halda áfram í stjórnmálum. „Altalað er að Bjarni sé á útleið og svona mæling eykur væntanlega ekki áhuga hans á að halda áfram í pólitíkinni.“

Hér má lesa færslu Björns í heild sinni:

„Maskína mældi í desember traust til ráðherra ríkisstjórnar Katrínar Jakobsdóttur í fjórða sinn á þessu kjörtímabili.

Niðurstaða þeirra mælinga kemur í raun ekkert á óvart, en er gjörsamlega sláandi afgerandi hvað varðar Bjarna Benediktsson formann Sjálfstæðisflokksins.
Mikið Traust:
16,7% segjast bera mikið traust til hans.
Talan nær ekki einu sinni fylgi Sjálfstæðisflokksins!
Að meðaltali mælast aðrir ráðherrar með 27,5% traust samkvæmt könnuninni.
**********
Lítið traust:
Þar skrapar Bjarni Benediktsson svo kyrfilega botninn!
74,7% segjast bera lítið traust til hans, en meðaltal hinna ráðherranna í þeirri mælingu er 42%.
Altalað er að Bjarni sé á útleið og svona mæling eykur væntanlega ekki áhuga hans á að halda áfram í pólitíkinni.“

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.

Fullum trúnaði er heitið.

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -