Tíkin Vera er fundin heil á höldnu eftir að hafa verið týnd frá því á föstudagskvöld.
Góðgerðahópurinn Dýrfinna og eigendur Maltese-hundanna Snow og Veru leituðu að hundunum sem sluppu frá eigendum sínum síðastliðið föstudagskvöld. Snow komst í leitirnar á laugardeginum en Vera sást fara upp í Toyotabifreið sem svo keyrði á brott.
Nú er Vera hins vegar komin heim heil á húfi en hún sást hlaupa frá Reykjanesbrautinni frá Ásbrú og kom hún sjálf heim. Var hún ekki köld.
Sandra Ósk Jóhannsdóttir meðlimur Dýrfinnu skrifaði eftirfarandi færslu á Twitter í dag:
„Vera kom sjálf heim heil á húfi um kl. hálf 7 í morgun. Sást hlaupa á reykjanesbrautinni frá Ásbrú og kom heim stuttu eftir þær ábendingar. Var ekki köld. En Vera er komin heim heil á húfi sem skiptir öllu.“