Laugardagur 15. júní, 2024
11.8 C
Reykjavik

Tilkynning frá Hinseginfélagi FG: „Fordómar mega ekki eiga sér vísan stað í íslensku samfélagi“

VefTv

- Auglýsing -

Hlaðvörp

- Auglýsing -

Hinseginfélag Fjöbrautaskólans í Garðabæ var rétt í þessu að gefa frá sér fréttatilkynningu um bloggskrif Páls Vilhjálmssonar.

Áréttar félagið í tilkynningunni að það að vera „hinsegin, trans eða eitthvað annað fellur undir sjálfsögð og eðlileg mannréttindi.“ Þá falli rétturinn til tjáningar á kynvitund, kynhlutverkum og kynhneigð, einnig undir sömu réttindi.

Þau sem varið hafa skrif Páls um hinsegin málefni hafa bent á málfrelsið en í fréttatilkynningunni segir að málfrelsið sé einnig mannréttindi en það nái ekki yfir „meiða, smána eða valda öðrum sársauka og vanlíða með opinberum skrifum.“ Segir í tilkynningunni að slíkt geti brotið gegn grein númer 233 í almennum hegningarlögum.

Hér má lesa fréttatilkynninguna í heild sinni:

Fréttatilkynning frá Hinseginfélagi FG

Hinseginfélag FG vill í ljósi umræðunnar um bloggskrif Páls Vilhjálmssonar árétta að það að vera hinsegin, trans eða eitthvað annað fellur undir sjálfsögð og eðlileg mannréttindi. Rétturinn til tjáningar á kynvitund, kynhlutverkum og kynhneigð fellur einnig undir sömu réttindi.

- Auglýsing -

Málfrelsi er líka mannréttindi en málfrelsið nær ekki yfir að meiða, smána eða valda öðrum sársauka og vanlíðan með opinberum skrifum. Slíkt getur brotið gegn grein númer 233 í almennum hegningarlögum.

Samkvæmt siðareglum Kennarasambands Íslands ber kennurum bæði að bera virðingu fyrir fjölbreytileika og að gæta að framkomu sinni á opinberum vettvangi.

Umræða um hinsegin málefni, málefni trans fólks og fleiri minnihlutahópa hér á landi virðist fylgja sama mynstri og víða erlendis á þann hátt að umburðarlyndi er að minnka og fordómar og hatursorðræða eru að aukast. Það er ótrúlega sorglegt.

- Auglýsing -

Hinseginfélag FG hvetur til opinnar umræðu án fordóma og fyrirlitningar um málefni hinsegin, trans fólks og annarra hópa fólks. Slík umræða er leiðin til gagnkvæmrar virðingar og er um leið gæðastimpill á samfélagið. Fordómar mega ekki eiga sér vísan stað í íslensku samfélagi.

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.

Fullum trúnaði er heitið.

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -