Mikil tímamót verða um næstu mánaðarmót en þá lokar síðasta vídeóleigan á Íslandi sem er í fullum rekstri.
Reynir Maríuson, eigandi Aðalvideoleigunnar skrifaði tilkynningu á Facebook í gær þar sem hann tilkynnir að leigan hans muni loka um næstu mánaðarmót. Segist hann hafa uppsafnað tap frá síðustu tveimur árum á herðunum og því biðlar hann til fólk að koma á Aðalvideoleiguna á Klapparstígnum og kaupa myndir eða „gefa eitthvað smáræði“ í lokunarsjóðinn. Færsluna má sjá hér að neðan:
„Jæja elsku bestu viðskiptavinir til margra ára og allir aðrir til sjávar og sveita. Nú er komið að þessu…Aðalvideoleigan…Síðasta kvikmyndaleigan í fullum rekstri á íslandi er loka núna um næstu mánaðarmót.
Aðal-Reynir“
Uppfært:
Þess má þó geta að Trausti Reykdal rekur ennþá vídeóleigu á Eskifirði en munurinn á Aðalvideoleigunni og verslun Trausta er sú að einungis er boðið upp á dvd-myndir á Aðalvideoleigunni á meðan Trausti býður upp á fleira, til að mynda snus-tóbak.
Sjá einnig: Trausti rekur eina af síðustu videoleigunum: „Eitthvað hef ég verið að gera rétt allan þennan tíma“