Tvær líkamsárásir í Hafnarfirði voru tilkynntar til lögreglu í nótt. Í bæði skiptin voru það konur sem hlutu áverka eftir karlmenn. Rétt fyrir klukkan tvö í nótt skallar maður konu í andlitið, var hann handtekinn og vistaður í fangageymslu. Konan var bólgin í andliti.
Þá var manni ýtt á konu á veitingastað í Hafnarfirði, hún féll í gólfið og rotaðist. Konan var með skerta meðvitund og var flutt á bráðadeild. Maðurinn hafði verið að ýta fólki á dansgólfinu og var vistaður í fangageymslu.
Í miðbænum var tilkynnt um líkamsárás við veitingahús en tveir menn voru handteknir grunaðir um árás á dyraverði. Árásarþolar voru með áverka í andliti og lausar tennur.
Upp úr klukkan tvö í nótt var tilkynnt um rúðubrot í Stjórnarráðinu, gerandi fannst þó ekki.
Þá voru einnig brotnar rúður á veitingastað í miðbænum og í skóla í Hafnarfirði.