Dagbók lögreglu í nótt var að venju full af misalvarlegum glæpum.
Það var tilkynnt um umferðaróhapp í hverfi 104. Reyndist tjónvaldurinn ölvaður við akstur. Hann handtekinn og fluttur á lögreglustöð. Þá var tilkynnt um umferðaróhapp í miðbæ Reykjavíkur en þar hafði ökumaður misst stjórn á bifreið sinni með þeim afleiðingum að hann ók á aðra bifreið, tré og að lokum húsvegg. Engin slys á fólki en töluvert tjón eftir. Þá þurfti lögreglan að glíma við hópslagsmál í miðbænum og þurfti að flytja tvo á sjúkrahús eftir slagsmálin
Tilkynnt var um tvo menn til ama í hverfi 220 en þar höfðu þeir meðal annars verið að ógna vegfarendum. Mennirnir fundust og voru þá búnir að róta í bifreið. Þeir voru handteknir og fluttir á lögreglustöð.
Þá var ökumaður handtekinn grunaður um akstur undir áhrifum ávana- og fíkniefna. Hann var fluttur á lögreglustöð í venjubundið ferli. Lögreglan fékk tilkynningu um tvo aðila að hnupla úr söfnunargámum. Fundust á bifreið skammt frá. Málið í rannsókn. Einnig var aðili handtekinn grunaður um vopnalagabrot ásamt sölu og dreifingu fíkniefna. Málið í rannsókn.