Undirskriftarsöfnun til höfuðs Bjarna Benediktssonar í embætti forsætisráðherra hefur farið gríðarlega vel af stað.
Bjarni Benediktsson er sá ráðherra sem fæstir Íslendingar treysta samkvæmt skoðanakönnun Maskínu en um 75 prósent sögðust ekki treysta honum til ráðherraembættis. Af því að dæma ætti meginþorri Íslendinga að vera ósáttur við að Bjarni sé nú orðinn forsætisráðherra aftur.
Á fyrstu 12 klukkustundum undirskriftarsöfnunar þar sem nýjasta útspili ríkisstjórnar Íslands, að gera Bjarna Benediktsson að forsætisráðherra í stað Katrínar Jakobsdóttur sem ákvað að bjóða sig fram til forsætisembættisins, skrifuðu 7.000 manns undir. Og svo kom nóttin. Þegar þessi frétt er skrifuð hafa 8.096 manns skrifað undir en hægt verður að skrifa undir til 23. apríl þannig að búast má við að undirskriftunum fjölgi talsvert. Hvort það hins vegar breyti einhverju skal ósagt látið.