Föstudagur 27. janúar, 2023
2.1 C
Reykjavik

Upptökur af tveimur íslenskum mönnum og samskiptum þeirra við 14 ára stúlku – TikTok rauðglóandi

Helgarviðtalið

- Auglýsing -

Orðrómur

- Auglýsing -

Á samfélagsmiðlinum TikTok er aðgangur sem ætlaður er til afhjúpunar á íslenskum barnaníðingum. Þar hafa birst tvö myndbönd sem bæði eru tekin af karlmanni sem stendur fyrir utan bifreið og vill ná tali af ökumanni sem situr í kyrrstæðri bifreið. Í myndskeiðunum eru mennirnir nafngreindir, sýndar af þeim myndir, aldur, bílar þeirra og í öðru sjást númeraplötur greinilega. Mennirnir í bifreiðunum eru mættir til að hitta Alexöndru, íslenska stúlku, fædda 2008.

Tálbeita á Snapchat

Í ljós kemur að tálbeita hefur verið notuð og birtast í myndböndunum skjáskot af samskiptum karlmannanna við 13 – 14 ára stúlku. Eins eru birtar ljósmyndir af mönnunum fáklæddum sem þeir hafa sent tálbeitunni. Annar mannanna er á sjötugsaldri, hinn er á fertugsaldri.

Í báðum tilvikum hafa samskipti tálbeitunnar og mannanna átt sér stað á samskiptamiðlinum SnapChat. Augljós er kynferðislegur áhugi mannanna á stúlkunni. 

Í myndböndunum viðurkennir ljósmyndarinn fyrir mönnunum að hafa staðið að baki samskipta Alexöndru og tilkynnir jafnframt í öðru myndbandinu að næg gögn séu til staðar til að láta lögregluyfirvöld vita. Í athugasemdum við annað myndskeiðið er spurt hvort atvikið hafi verið tilkynnt til lögreglu. Forsvarsaðili aðgangsins svaraði: „Er búinn að tala við lögreglu, hafa lítinn áhuga á þessu. Dómstóll götunnar þarf bara að sjá um þessi ógeð“

TikTok rauðglóandi

- Auglýsing -

Tveir dagar eru síðan myndskeiðin fóru í birtingu og aðgangurinn fengið tæplega þrjú þúsund fylgjendur. Tæp 63 þúsund hafa séð annað myndskeiðið og hitt fengið tæp 20 þúsund áhorf. 

Ekki er vitað hver stendur að baki aðganginum á TikTok eða gerð myndskeiðanna. 

Fordæmi eru fyrir afhjúpunum meintra kynferðisbrotamönnum af dómstóli götunnar en slík athæfi eru líklega ólögleg. 

- Auglýsing -

Mannlíf hafði upp á öðrum mannanna úr myndskeiðunum, en sá vildi ekki tjá sig um málið.

 

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.
Fullum trúnaði er heitið.

Deila

Nýtt í dag

Mest lesið í vikunni

Í fréttum er þetta helst...

- Auglýsing -