Föstudagur 12. apríl, 2024
2.8 C
Reykjavik

Valdimar myndaði barn í leyfisleysi: „Hugsaði að þetta væri svona eins og pólitíkin í dag“

VefTv

- Auglýsing -

Hlaðvörp

- Auglýsing -

Samfélagsmiðlar hafa logað síðan færsla birtist á Facebook þar sem ljósmyndir af hinu þekkta ljóðskáldi Valdimari Tómassyni er birt ásamt texta. Þar er hann sakaður um annarlegar hvatir gagnvart barni.

Í færslunni segir sú sem skrifar hana, hafa verið í Nettó í gærkvöldi og hafa verið að spjalla við vinafólk sem hún hitti þar er vinur hennar tók eftir manni sem var að taka ljósmyndir af barnungri dóttur hans.

„Ég skrapp í Nettó rétt í þessu og hitti fyrir vinapar mitt og við spjöllum saman í stutta stund og fyrir algjöra tilviljun sér vinur minn að það er maður að mynda korn unga dóttur þeirra í bak og fyrir. Þegar vinur minn biður hann um að eyða myndunum var hann ekkert að ætla að gera það svo við rifum símann af honum og þar voru fleiri fleiri myndir af stúlkunni sem hafði vafrað aðeins frá okkur. Við náðum að eyða öllum myndum af stelpunni og maðurinn hljóp ut. Áður en hann naði að drulla sér út náði ég myndum af þessu ógeði og ætla ég að láta þær fylgja með og biðja ykkur foreldra að vera á varðbergi gagnvart þessum manni sem hafði greinilega eitthvað annað en góðmennsku í huga. Haft var samband við lögreglu og hún er nú að ræða við foreldrana sem eru auðvitað allt annað en sáttir og skil ég þau vel,“ segir í færslunni.

Í samtali við Mannlíf segir Valdimar vera miður sín yfir málinu, hann hafi í dómgreindarleysi myndað stelpu sem hélt á drullusokki og langaði að fanga augnablikið. „Ég var andartak hugsunarlaus og tók ljósmynd af barni með drullusokk upp í loftið og hugsaði að þetta væri svona eins og pólitíkin í dag,“ segir Valdimar og tók fram að engar annarlegar hvatir hafi verið að baki þessu. Aðspurður hvort hann hefði heyrt eitthvað í foreldrunum eftir að málið kom upp sagði hann ekki svo vera. „Nei, heyrði bara í þeim í versluninni og ég bað þau bara afsökunar og við eyddum myndunum og ég hefði líklega gert það sjálfur eftir örstutta stund,“ sagði Valdimar algjörlega miður sín.

Mannlíf hefur heimildir fyrir því að Valdimar taki oft ljósmyndir af hinu og þessu sem fyrir augu hans ber og spurði hann út í það. „Já það er alveg rétt, mest þó af köttum og svo einhvern veginn var þetta svona móment sem var svolítið sérstakt.“

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.

Fullum trúnaði er heitið.

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -