- Auglýsing -
Hin breska Ingrid Dale, 67 ára, lét lífið á Spáni á mánudag. Hún fékk bráðaofnæmiskast eftir að hafa verið stungin af vespu.
Ingrid var ásamt vinum sínum á veitingastaðnum Costa Blanca í bænum Moraira sem er um 30 mínútum frá Benidorm þegar vespan stakk hana. Hún fór í hjartastopp áður en sjúkraflutningamenn komu henni á sjúkrahús og var þar úrskurðuð látin.
Vinir Ingrid lýstu hryllingnum að horfa upp á vinkonu sína deyja en hópurinn var samankominn á veitingastaðnum í hádegismat til styrktar Úkraínu.
Ekki er algengt að fólk láti lífið í kjölfar þess að vera stungið af vespu en Ingrid var með alvarlegt bráðaofnæmi fyrir eitrinu sem vespan framleiðir og lét því lífið mjög skjótt.