Föstudagur 29. mars, 2024
-0.2 C
Reykjavik

Víða ófært á vesturhluta landsins – Ekkert lát á frosti og kulda

VefTv

- Auglýsing -

Hlaðvörp

- Auglýsing -

Gul veðurviðvörun er í gildi á Faxaflóa, Vesturlandi, Vestfjörðum og Norðurlandi vestra. Vegir á svæðunum eru víða lokaðir og vegfarendur beðnir um að kynna sér færð áður en haldið er að stað. Upplýsingasími Vegagerðarinnar er 1777 og er hann opinn alla daga vikunnar á milli kl. 6:30 – 22:00.

Spá Veðurstofu Íslands er: „Norðan 15-23 m/s, en mun hægari vindur austanlands. Slydda eða snjókoma um landið norðanvert, en úrkomuminna sunnan heiða. Dregur smám saman úr vindi og léttir til sunnanlands síðdegis. Hiti kringum frostmark.
Norðan og norðaustan 8-15 m/s og lítilsháttar snjókoma eða él á norðanverðu landinu á morgun, yfirleitt skýjað og úrkomulaust syðra, en dálítil snjókoma um tíma syðst. Kólnar heldur í veðri.“

Veðurfræðingur Veðurstofunnar útskýrir: „Milli Íslands og Færeyja er víðáttumikil lægð, sem stýrir veðrinu um þessar mundir. Gengur á með norðanhvassviðri eða -stormi á norðvestanverðu landinu fram eftir degi, en dregur síðan smám saman úr vindi. Mun hægari norðanátt eystra. Slydda eða snjókoma á norðanverðu landinu og sums staðar rigning við sjávarsíðuna, en skýjað og úrkomulaust að kalla syðra. Hiti yfirleitt kringum frostmark. Veðurviðvaranir vegna hvassviðris og hríðar eru í gildi fyrir Norðvesturland, Strandir, Vestfirði og Breiðafjörð fram á hádegi.
Vegfarendur eru því hvattir til að kanna vel færð og spár áður en lagt er af stað.“

Frostið sem staðið hefur undanfarnar vikur heldur áfram út vikuna, ef marka má spá Veðurstofunnar.

Á miðvikudag:
Norðan og norðaustan 5-13 m/s og él norðan- og austanlands. Víða bjart sunnan heiða, en líkur á éljum syðst á landinu síðdegis. Frost 0 til 6 stig.

Á fimmtudag:
Norðaustan og austan 5-13 og bjartviðri, en skýjað norðan- og austanlands og dálítil él við ströndina. Kólnandi veður.

- Auglýsing -

Á föstudag og laugardag:
Norðlæg átt og léttskýjað, en lítilsháttar él á Norður- og Austurlandi. Frost víða 5 til 15 stig.

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.

Fullum trúnaði er heitið.

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -