„Ég mun kynna þetta fyrir félagsmönnum og mælast til þess þau til að taka þátt í atkvæðagreiðslunni og samþykki miðlunartillöguna,“ segir Halldór Benjamín Þorgeirsson, formaður Samtaka atvinnulífsins, í viðtali við Mannlíf rétt áður en hann gekk til fundar með félagsmönnum sínum, þar sem hann mun kynna þeim nýjar miðlunartillögur sem Ástráður Haraldsson, settur ríkissáttasemjari, gaf út rétt í þessu.
Eins og fram kom á blaðamannafundi með ríkissáttasemjara eru lagðar fram tvær megin breytingar en fær fela í sér breytingu á starfsheiti félagsmanna Eflingar sem starfa á gistihúsum.
Aðspurður um breytt starfsheiti innan raða starfsfólksins útskýrir Halldór Benjamín að honum sé ekki kleift að tjá sig um málið að svo stöddu en að: „Það er bara til hægðarauka fyrir framkvæmd samningsins.“
Ríkissáttasemjari lagði til breytingar á launaflokki hjá einum hópi hjá starfsmönnum Eflingar sem starfa á gistihúsum. Í meginatriðum myndi sá hópur færast úr fimmta launaflokki yfir í sjötta launaflokk og myndi það jafngilda 0,58 prósent launahækkun.
Aðspurður segir Hallór Benjamín: „Miðlunartillagan er launatafla SGS félaganna og það er ein breyting er varðar einn tiltekinn hóp Eflingarfólks.“