Í gær var fjölluðu margir íslenskir miðlar um brasilísku Playboystjörnuna, Cris Galera, sem birti brjóstamynd af sér við skilti Vegagerðarinnar sem tilgreindi Grindavík. Galera var á Íslandi yfir áramótin með unnusta sínum, segir á The Sun. Hún þurfti að leita læknisaðstoðar sökum ofkælingar eftir að hafa setið fyrir hálfnakin í snjóstormi.
Samkvæmt heimildum The Sun er stjarnan nú í samvinnu við ráðgjafa að sækja um skrásetningu í Heimsmetabók Guinness fyrir „Lengstu kvenkyns-nektarljósmyndatöku í snjóstormi“.
Þrátt fyrir tilskipanir yfirvalda um rýmingu var Cris staðföst og staðráðin í að gera ferð sína eftirminnilegri. Í samtali við miðilinn segir Galera: „Ég elska að vera nakin og þegar ég var á Íslandi hugsaði ég með mér; Af hverju ekki hér?“ Það tók stjörnuna fimm daga að safna í sig kjarki og láta að verða.
Galera var heilar 10 mínútur í Evuklæðunum einum í nístingsgaddi.
„Ég var næstum 10 mínútur án úlpunnar,“ sagði Cris.
„Hámark sem þú getur dvalið er þrjár mínútur, en mig langaði að gera mikið af myndböndum, mikið af myndum og ég var næstum að deyja.“
Galera þurfti að leita sér læknisaðstoðar sökum ofkælingar og var komið fyrir í funheitu herbergi í um það bil klukkustund með teppi og fékk heitt te. Hún segist hafa komist klakklaust undan hremmingunum.