Mánudagur 17. janúar, 2022
5.9 C
Reykjavik

Völvan reynist sannspá: Helgi Seljan söðlar um og RÚV missir fleira lykilfólk

Helgarviðtalið

- Auglýsing -

Orðrómur

- Auglýsing -

Völva Mannlífs spáði því að rannsóknarblaðamaðurinn og fréttamaðurinn Helgi Seljan myndi breyta um stefnu á þessu ári. Hún spáði umbreytingarári í lífi hans og að eftir erfiðleika myndi hann nú rísa upp og átta sig á því hvert hann vildi fara.

Nú hefur atburðarásin sannarlega farið af stað, því að í dag var tilkynnt um að Helgi Seljan gengi til liðs við Stundina sem rannsóknarritstjóri. Þar mun hann hefja störf þann 15. febrúar næstkomandi.

Völvan sagði að um væri að ræða spennandi og öfluga tíma í lífi Helga. Hún spáði því að mesti umbreytingartíminn yrði í apríl og því er ráð að fylgjast vel með framvindunni.

Spá völvunnar um Helga Seljan:

„Árið 2022 verður stórt ár í lífi Helga og hann mun rísa á ný. Hann er núna staddur í miðri endurfæðingu – segja má að hann sé núna eins og fuglinn Fönix, að steypa sér í eldinn, áður en hann endurfæðist síðan upp úr öskunni. Hann er að endurskoða allt um þessar mundir. Í apríl kemur augnablikið þar sem hann byrjar að rísa upp og átta sig á því hvað hann þarf að gera og hvert hann vill fara. Hann mun endurskoða leiðina sína og að endingu feta nýja braut sem verður honum mikið gæfuspor. Þetta eru virkilega spennandi og öflugir tímar.“

Í leiðinni hefur hluti af spá völvunnar um RÚV ræst, en þar hefur Helgi Seljan starfað síðustu sextán ár. Í spá hennar sagði:

- Auglýsing -

„RÚV er ekki að halda nægilega vel utan um starfsfólk sitt. Enn fleiri munu segja skilið við ríkisfjölmiðilinn á nýju ári og hann veikist með brotthvarfi fleira lykilfólks. Launamál hjá RÚV komast í brennidepil. Fólkið sem hverfur á braut hrökklast út ósátt og kvíðið. Meira verður um kulnun þar innanhúss á árinu. Í framhaldinu verður einhver endurnýjun innanhúss.“

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.
Fullum trúnaði er heitið.

Deila

Nýtt í dag

Mest lesið í vikunni

Í fréttum er þetta helst...

- Auglýsing -