Sunnudagur 29. janúar, 2023
2.1 C
Reykjavik

Íslenskar hænur ennþá í bönnuðum búrum

Helgarviðtalið

- Auglýsing -

Orðrómur

- Auglýsing -

Í lok nóvember á síðasta ári samþykkti matvælaráðherra, Svandís Svavarsdóttir, breytingu á reglugerð er varðar velferð alifugla. Þá var í annað sinn frestað ákvæði um að allar íslenskar hænur ættu að ganga lausar í varphúsum, en það átti að taka gildi 1. janúar 2022; var síðan frestað um ár, að beiðni Bændasamtakanna.

Bændasamtökin fóru svo aftur fram á frestun um annað ár.

Kemur fram á ruv.is að samkvæmt gögnum Matvælastofnunar, eru nú 35 varphús á landinu, þar sem leyfilegt er að halda eitthvað um 290 þúsund hænur; búrunum er staflað hverju ofan á annað, þar sem hver stök hæna hefur rými á við eitt A4 blað.

Matvælastofnun tilgreinir hins vegar að ekki sé víst að hænur séu í hverju búri og sums staðar séu bæði búr sem og lausar hænur.

Eggjabóndi sem á sæti í stjórn Bændasamtakanna segir að ekki hægt að kenna bændum alfarið um; ýmiss konar skipulagsmál tefji stærri bú, sem sum hver hafi orðið að bíða mjög lengi eftir umhverfismati; einnig hefur heimsfaraldurinn lengt bið eftir búnaði:

„Þetta er náttúrulega gífurleg fjárfesting. Við erum að tala um fyrir greinina í heild er þetta bara milljarða fjárfesting. Og þetta er í rauninni helmingsmeiri gólfflötur sem krafist er þegar verið er að fara úr búrum og á gólf,“ segir Halldóra Kristín Hauksdóttir, eggjabóndi og stjórnarmaður í Bændasamtökunum.

- Auglýsing -

Einnig kemur fram að Evrópusambandsríkin hafi fengið 12 ár til að losa sig við búrin, en átta ár eru síðan þetta lá fyrir á Íslandi. Og að ráðuneytið hafi ekki fallist á kröfu bænda um aðra árs frestun; gefur þeim sex mánuði til að bregðast við:

„Það er farið fram á þessa sex mánuði auka til þess að fá að klára það og klára þessi skipulags mál. Og ég er bjartsýn á að sá tími muni duga“, sagði Halldóra.

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.
Fullum trúnaði er heitið.

Deila

Nýtt í dag

Mest lesið í vikunni

Í fréttum er þetta helst...

- Auglýsing -