Íbúi í Langholtshverfi birtir færslu á Facebook þar sem hann varar nágranna sína við að opna dyrnar inn í sameign fjölbýlishúsa fyrir hvern sem er.
Íbúinn, sem vill ekki láta nafns síns getið, lýsir atviki sem átti sér stað í fjölbýlishúsi í nótt. Þar segir hann að ókunnugur maður hafi hringt öllum dyrabjöllum hússins þar til einhver opnaði dyrnar inn í sameignina. Maðurinn komst svo inn í eina íbúð hússins.
„Langaði bara að láta vita en það fór maður inn í stigaganginn hjá okkur í gærkvöldi og svo aftur í nótt, dinglaði á allar bjöllur og komst inn…því miður. Og komst inn í eina íbúðina hjá sofandi eldra fólki sem vaknaði við brasið í manninum og maðurinn fór út,“ er skrifað í færsluna.
Mannlíf fékk leyfi til að birta skrifin þar sem viðkomandi vill vara fólk sem býr í fjölbýlishúsi við að hleypa fólki inn þegar dyrabjöllu er hringt er, án þess að ganga úr skugga um hverjum sé verið að opna fyrir.
„Þetta segir okkur að opna ekki nema vita hver er að koma, “ skrifar annar íbúi í Langholtshverfi við færsluna.