Lögreglu barst tilkynning um líkamsárás seint í gærkvöldi. Kona hafði brotið glas á höfði manns inni á veitingastað og flúði af vettvangi. Lögregla fann konuna stuttu síðar á öðru veitingahúsi en var hún flutt á bráðadeild vegna sára á fingrum. Þegar hafði verið gert að sárum hennar var hún látin gista fangaklefa.
Keyrt var á tvær fimmtán ára stúlkur á rafskútu í gærkvöldi. Voru þær fluttar á bráðadeild til aðhlynningar. Þá varð annað rafskútuslys í Garðabæ þar sem drengur keyrði inn í hlið bifreiðar sem bakkaði út úr stæði. Ökumaður bílsins þekkti til drengsins og hlúði að honum áður en hann fylgdi honum til foreldra sinna.
Lögreglu barst tilkynning um þjófnað í gærkvöldi. Þar hafði karlmaður, í annarlegu ástandi, farið inn í verslun og tekið tvær samlokur. Tilkynnti hann starfsfólki að hann myndi borga samlokurnar á morgun og borðaði þær fyrir framan starfsfólk verslunarinnar.
Karlmaður festi hendi sína milli bifreiðar og tjakks í gærkvöldi þegar hann skipti um dekk á bifreið sinni. Sjúkrabíll var kallaður til sem hjálpaði manninum.