• Orðrómur

Krefja Jóhann um 48 milljónir vegna lögfræðikostnaðar

Helgarviðtalið

- Auglýsing -

Orðrómur

- Auglýsing -

Máli tónlistarmannsins Jóhanns Helgasonar gegn norska lagahöfundinum Rolf Løvland var vísað frá í apríl. Núna er Jóhann krafinn um upphæð sem nemur um 48 milljónum króna.

Dómari í Los Angeles vísaði máli tónlistarmannsins Jóhanns Helgasonar frá í apríl. Jóhann stefndi Universal Music og norska lagahöfundinum Rolf Løvland og fleirum vegna lagsins Söknuður.

Jóhann hefur haldið því fram að lag Løvland, Your Raise Me Up, sem söngvarinn Josh Groban gerði frægt árið 2003 sé stolið og sé í raun útgáfa af laginu Söknuður frá árinu 1977. Lagið Your Raise Me Up var samið 2001. Jóhann telur Løvland hafa heyrt lagið Söknuður í einhverjum af hans mörgu heimsóknum til Íslands á tíunda áratugnum og í kjölfarið samið sína útgáfu.

Jóhann höfðaði mál til greiðslu bóta og fór fram á að allar tekjur sem You Raise Me Up hefur fært Løvland og öðrum yrðu dæmdar honum. Stefnan var lögð fram í Los Angeles í Bandaríkjunum 29. nóvember 2018.

Jóhann er nú krafinn um upphæð sem nemur um 48 milljónum króna vegna lögfræðikostnaðar andstæðinga sinna í málinu. Fréttablaðið greinir frá þessu. Þar er fjallað um rökstuðning lögmanna þeirra sem Jóhann stefndi, segja þeir mál Jóhanns byggja á fjandskap hans gagnvart Rolf Løvland og að hann hafi vitað betur. Jóhann hafnar þessum ásökunum.

Lögmenn þeirra sem Jóhann stefndi starfa á lögmannstofunni Loeb & Loeb. Í frétt Fréttablaðsins segir að lögmennirnar rukki tímakaup upp á  817 dollara (um 120 þúsund krónur), 675 dollara (um 99 þúsund krónur) og 488 dollara (um 72 þúsund krónur).

- Auglýsing -

Núna situr Jóhann eftir með kröfu upp á 48 milljónir króna.

Lögin borin saman af sérfræðingum

Þess má geta að síðan Jóhann lagði stefnuna fyrst fram í lok árs 2018 hefur tónlistarprófessorinn Lawrence Ferrara gert samanburðargreiningu á lögunum Söknuður og You Raise me Up fyrir hönd Universal Music. Í greinargerð sinni hafnaði hann líkindum milli laganna sem um ræðir. Lögmaður Jóhanns, Michael Machat, sagði hann hafa notað gallaða aðferðarfræði.

- Auglýsing -

Jóhann fékk þá tónlistarfræðinginn Judith Finell til liðs við sig til að sanna líkindi laganna en dómari í málinu komst að þeirri niðurstöðu að hennar úrskurður væri óáreiðanlegur þar sem hún klikkaði meðal annars á að greina frá aðferðafræðinni sem hún notaðist við.

Sjá einnig: Dómari vísar máli Jóhanns frá

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.
Fullum trúnaði er heitið.

Deila

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Nýtt í dag

Mest lesið í vikunni

Í fréttum er þetta helst...

- Auglýsing -