2019 | Birtingur útgáfufélag ehf | k.t. 620867-0129 | VSK.nr 11788 | Síðumúla 28 | Allur réttur áskilinn. Notkun á efni miðilsins er óheimil án samþykkis.

Lögregla ítrekar fyrir ökumönnum að virða lokanir vegna slysa

Ökumenn gerðu viðbragsaðilum erfitt fyrir að athafna sig eftir bílslys á Bústaðarveginum. Þrátt fyrir að ökutæki lögreglumanna girtu af vettvanginn hunsuðu vegfarendur tilskipun lögreglu og tróðu sér að.

Lögreglan í Reykjavík ítrekar í tilkynningu til fjölmiðla í dag að ökumenn verð að virða lokanir vegna slysa en ekki ryðja sér fram hjá lokunum. Slíkt geti skapað hættu. Í gær var lögregla kölluð að slysi þar sem ekið hafði verið á barn á reiðhjóli. „Strax ljóst að um alvarlegt slys var að ræða,“ segir í tilkynningunni. Þrátt fyrir lokanir hafi ökumenn hunsað merkingar.

„Setja þurfti upp lokun á Bústaðavegi vegna þessa svo m.a. væri hægt með öruggum hætti fyrir viðbragðsaðila að athafna sig á vettvangi. Þrátt fyrir ökutæki lögreglu á staðnum, bæði bílar og bifhjól með blikkandi ljós, freistuðu ökumenn þess að troða sér fram hjá og tókst einhverjum það uns þeir urðu að nema staðar beint við slysstaðinn. Svona háttsemi er með öllu ólíðandi og hinir sömu þurfa að hugsa sinn gang, því varla vill nokkur maður skapa frekari hættu á vettvangi þar sem þegar hefur orðið slys,“ segir í tilkynningunni.

Ekki missa af þessum

Annað áhugavert efni

Nýjast á Mannlíf.is