Laugardagur 28. janúar, 2023
5.1 C
Reykjavik

Lögreglu heimilt að bera rafbyssur: „Reynsla þjóða sem við berum okkur saman við er mjög góð“

Helgarviðtalið

- Auglýsing -

Orðrómur

- Auglýsing -

Dómsmálaráðherra, Jón Gunnarsson, segir slysum á lögregluþjónum sem og borgurum fækka um tugi prósenta ef lögregla ber rafbyssur, en í dag öðlaðist gildi reglugerð er heimilar lögregluþjónum að nota rafbyssur.

Kemur fram að einungis verður heimilt að úthluta rafbyssum til lögregluþjóna er fengið hafa þjálfun í notkun þeirra; má aðeins beita vopninu ef önnur vægari úrræði duga alls ekki.

Jón var spurður út í rafbyssurnar í óundirbúnum fyrirspurnatíma á Alþingi:

„Reynsla annarra þjóða sem við berum okkur gjarnan saman við er mjög góð. Reynslan sýnir að þetta dregur svo nemur tugum prósenta úr slysum á lögreglumönnum og þeim sem þeir eiga við á hverjum tíma. Reynslan sýnir einnig að það þurfi sjaldnast að grípa til þessara rafvarnarvopna heldur að nóg sé að þau séu til staðar og þannig verði ekki úr þessi líkamlegu átök sem kallað er eftir,“ sagði Jón og bætti síðan við:

„Það er vissulega þannig að þegar er verið að beita vopnum eða varnarvopnum af einhverju tagi þá geta hlotist af því alvarlegir skaðar; liggur í augum uppi. Á það jafnt við um kylfur sem og annan búnað sem eru varnarvopn lögreglu í dag, auk skotvopna í þeim tilfellum sem það á við. Við erum að horfa til þeirra reglna sem gilda í öðrum löndum hér í nágrenni við okkur.“

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.
Fullum trúnaði er heitið.

Deila

Nýtt í dag

Mest lesið í vikunni

Í fréttum er þetta helst...

- Auglýsing -