Lögreglan á Norðurlandi vestra hefur nú lokið aðgerðum á Sauðárkróki án þess að handtaka neinn.
„Um miðjan dag í dag, 8. febrúar, bárust lögreglunni á Norðurlandi vestra upplýsingar sem gáfu tilefni til að lögregla greip til aðgerða á Sauðárkróki til að tryggja allsherjarreglu,“ segir lögreglan og bætir við að „við þær aðgerðir naut embættið aðstoðar embættis ríkislögreglustjóra og lögreglunnar á höfuðborgarsvæðinu. Aðgerðum lögreglu er lokið.“
Komið er á daginn að enginn var handtekinn vegna málsins; ekki grunur um ætlaða refsiverða háttsemi.
Ljóst er þó að málið er snúið og afar viðkvæmt; vill lögreglan fyrir norðan lítið segja um það annað en þetta:
„Lögreglan á Norðurlandi vestra mun ekki upplýsa frekar um málið vegna eðlis þess og viðkvæmni.“