Manuela Ósk Harðardóttir, fyrrum Ungfrú Ísland, fékk heilablóðfall um jólin og er núna í bataferli:
„Ég ekki að vinna. Ég er í endurhæfingu á Grensás og sálfræðingi, ég er í sjúkraþjálfun og hitti lækni,“ sagði Manuela Ósk um bataferli sitt í Brennslunni í dag:
„Þetta er búið að vera brekka.“
Manuela Ósk lá í 3 vikur á taugadeild Landspítalans eftir heilablóðfallið:
„Ég vissi ekki hvort ég myndi getað labbað aftur, ég gat ekki hreyft mig.“
Þegar Manuela Ósk gat byrjað að hreyfa sig þurfti hún að styðja sig við göngugrind og þá er hún enn að upplifa slæma höfuðverki:
„Ég fæ skjálfta í hendurnar og er pínu völt.“
Hún segir að það hafi ekki enn fundist ástæða fyrir heilablóðfallinu:
„Ég er í erfðarannsókn.“
Nú er staðan sú hjá Manuelu Ósk að hún vinnur hraustlega í því að jafna sig eftir þetta heilablóðfallið; segir hún að andlega hafi þetta tekið mjög mikið á vegna kvíða.
Og hún er bjartsýn á framtíðina:
„Ég mátti bara byrja að keyra í síðustu viku. Maður missir svo mikið sjálfstæðið. Lífið verður bara miklu dýrmætara.“