Markéta Irglová er nú komin í úrslit í undankeppni Eurovision í Tékklandi.
Markéta hefur búið á Íslandi síðan árið 2012, ásamt íslenskum eiginmanni sínum, Sturlu Þórissyni.
Markéta tók þátt í Söngvakeppninni í fyrra með laginu Mögulegt.
Markéta var staðráðin í að gera aðra tilraun til að taka þátt í Eurovision; sendi lag í tékknesku undankeppnina fyrir Eurovision, og hún hefur nú verið valin til að taka þátt ásamt fjórum öðrum þátttakendum, sem keppa um að verða framlag Tékklands í Eurovision.
Það er Markéta sem greinir frá þessu á samfélagsmiðlum.
Sjálf er Markéta fædd og uppalin í Tékklandi.
Markéta segir mikinn heiður að hafa verið valin í keppnina; og hún hrósar hinum fjórum keppendunum einnig mikið á Facebook sem og á Instagram.
Nýja lagið hefur enn ekki verið gefið út og á líka eftir að fá nafn; keppnin mun fara fram 30. janúar.