Föstudagur 20. maí, 2022
8.8 C
Reykjavik

Markmiðið að takmarka skaðann sem hlýst af ferðabanni

Helgarviðtalið

- Auglýsing -

Orðrómur

- Auglýsing -

Guðlaugur Þór Þórðarson utanríkisráðherra segir tilkynningu Evrópusambandsins um 30 daga ferðabann vera „óskýra“.

Í gær var greint frá því að ESB hef­ur tekið ákvörðun um að loka ytri landa­mær­um sín­um fyr­ir ferðamönn­um utan sam­bands­ins fyr­ir ónauðsyn­leg­um ferðalög­um næstu 30 daga. Tilgangurinn er að reyna að draga úr útbreiðslu COVID-19.

Ang­ela Merkel, kansl­ari Þýsklands, greindi frá þessu í gær. Bannið tók strax gildi en nær ekki til EFTA-ríkj­anna, þar á meðal Íslands.

Guðlaugur greindi frá því að hann og dómsmálaráðherra hefðu komið því á framfæri við sendiherra Evrópusambandsins að þetta séu ekki vinnubrögð sem þau vilji sjá. „Við höfum komið því skýrt á framfæri,“ sagði Guðlaugur í morgunþætti Rásar 1 og Rásar 2 í dag.

Hann sagði forgangsmál hjá ráðuneytinu núna vera að takmarka þann skaða sem hlýst af öllu ferðabanni. „Við erum að gæta hagsmuna Íslands, eins og alltaf,“ sagði Guðlaugur sem á annan fund með sendiherra Evrópusambandsins í dag.

Hlusta á sérfræðinga

- Auglýsing -

Guðlaugur sagði íslensk stjórnvöld hlusta á ráðleggingar sérfræðinga hvað aðgerðir vegna útbreiðslu COVID-19 varðar en ekki bregðast við pólitískum þrýstingi eins og sum önnur ríki. Hann sagði önnur lönd taka eftir  vinnubrögðum Íslenskra stjórnvalda.

Guðlaugur skrifaði um þetta á Facebook í gær. Þar sagði hann m.a.: „Ég ræddi í dag í síma við Mike Pompeo, utanríkisráðherra Bandaríkjanna, um áhrif tímabundins banns Bandaríkjastjórnar við ferðum ferðamanna af Schengen-svæðinu, sem nær einnig til íslenskra ríkisborgara. Í símtalinu hrósaði Pompeo aðgerðum íslenskra stjórnvalda til að hefta útbreiðslu Covid-19-veirunnar”.

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.
Fullum trúnaði er heitið.

Deila

Nýtt í dag

Mest lesið í vikunni

Í fréttum er þetta helst...

- Auglýsing -