„Guðni axlar ábyrgð og segir af sér, það er sagt að hann hafi sagt upp. Það hljómar eins og hann hafi verið rekinn,“ sagði Hugi Halldórsson í hlaðvarpsþættinum The Mike Show í gærkvöld.
Annar knattspyrnusérfræðingur í sama þætti, þjálfarinn Mikael Nikulásson, telur furðulegt að framkvæmdarstjóri KSÍ, Klara Bjartmarz, haldi starfi sínu á meðan Guðni Bergsson þurfi að gangi frá borði.
„Þetta var mjög skrýtin helgi, menn sátu á 10-12 tíma fundi samanlagt. Síðan koma allir eftir á og eru svakalega sorrý; að KSÍ hafi brugðist. Það er mjög spes Guðni sé einn að labba frá borði og mæti ekki til vinnu í fyrramálið. Það segir sig alveg sjálft að hún ætti ekki að mæta í fyrramálið, það er alveg ljóst að flest mál fara í gegnum hana. Það fer mest í gegnum hana og hún veita meira um málin en Guðni.
Að hún fari ekki líka, sérstaklega hún. Það gengur aldrei upp. Flott hjá Guðna að axla ábyrgð, mér þótti margt skrýtið í þessu máli. Hann labbar út en af hverju situr Klara áfram? Hún ber fullt af ábyrgð, hún hefur starfað þarna miklu lengur en Guðni. Það er mikið talað um mál frá 2010 eða 2011, þar var Guðni ekki starfsmaður en Klara var þar,“ segir Mikael.