2019 | Birtingur útgáfufélag ehf | k.t. 620867-0129 | VSK.nr 11788 | Síðumúla 28 | Allur réttur áskilinn. Notkun á efni miðilsins er óheimil án samþykkis.

Mikið kvartað undan umferðartöfum í gær

Margt fólk hafði samband við lögregluna á höfuðborgarsvæðinu í gær vegna umferðartafa sem urðu vegna malbikunarvinnu. Þetta kemur fram á Facebook-síðu lögreglunnar á höfuðborgarsvæðinu.

Þar kemur fram að margt fólk hafi lýst yfir óánægju sinni með framkvæmdir á Kleppsmýrarvegi en framkvæmdirnar ollu miklum töfum í umferð. Lögreglan brást við með því að stýra umferð á svæðinu í nokkra klukkutíma.

Þess má geta að í dag verða áfram framkvæmdir á götum víða í borginni. „Og viðbúið að því fylgi einhver óþægindi fyrir vegfarendur, sem eru beðnir um að sýna þolinmæði og tillitssemi. Vinnuflokkar verða því víða að störfum, m.a. á Hallsvegi í Grafarvogi (á milli Langarima og Gullinbrúar/Strandvegar), í Vatnagörðum (á milli Sundagarða og Sægarða) og í Mjölnisholti og á Lindargötu. Vegfarendur eru áfram beðnir um að virða merkingar og hraðatakmarkanir og sýna aðgát við vinnusvæðin, sem eru þröng og menn og tæki eru við vinnu mjög nálægt akstursbrautum,“ segir meðal annars í tilkynningu frá lögreglu.

Ekki missa af þessum

Annað áhugavert efni

Nýjast á Mannlíf.is