Hafþór Júlíus Björnsson – Fjallið – gaf það út í tilkynningu á YouTube-rásinni sinni að hann ætli sér að snúa aftur í heim kraftlyftinganna.
Ljóst er að Hafþór ætlar sér stóra hluti; stefnir á að bæta heimsmetið.
Hafþór hefur lagt boxhanskana á hilluna, en að eigin sögn fann hann sig aldrei nægilega í þeirri íþrótt, og eftir viðræður við fjölskyldu sína ætlar kappinn að reyna fyrir sér á nýjan leik í kraftlyftingum:
„Ég er fjölskyldumaður, á tvö börn og eiginkonu, og vil eftir fremsta megni sjá til þess að ég verði til staðar fyrir þau til langs tíma litið.“
Hafþór ætlar nú alfarið að einbeita sér að kraftlyftingunum; ætlar hann að gera heiðarlega tilraun til að bæta heimsmetið í samanlagðri þyngd er lyft er í þremur greinum; hnébeygju – bekkpressu sem og réttstöðulyftu. Metið stendur í 1182 kílóum; það á Don Bell.
Á næsta ári hyggst Hafþór síðan endurvekja feril sinn í aflraunakeppnum; stefnir á vinna Arnold Classic sem og Rogue Invitational Strongman.
Hafþór á svakalegan feril að baki hefur átta sinnum komist á verðlaunapall í keppninni Sterkasti maður heims og árið 2018 varð hann sterkasti maður heims. Þá hefur hann í þrígang borið úr býtum á Arnold Strongman Classic og fimm sinnum orðið Sterkasti maður Evrópu.