- Auglýsing -
Dyggur lesandi Mannlífs brá sér í Krónuna á Flatahrauni í Hafnarfirði. Sem er svo sem ekki í frásögur fæŕandi.
Nema að lesandinn gekk fram á uppstillingu á vöru í hillu verslunarinnar og fannst hún ekki nægilega góð. Það er uppstillingin – ekki varan.
Varan sem um ræðir ber heitið Is, og var henni raðað hlið við hlið þannig að svo virtist sem þarna stæði Isis, en meðlimir samtaka er heita Isis þykja ekki eftirsóknarverður félagsskapur.
En auðvitað er Krónan ekki að hylla Isis – þetta kom bara svona út í hillunni áðurnefndu.
Eða eins og dyggi lesandinn sagði við blaðamann Mannlífs:
„Ég held að þetta sé ekkert að fara að seljast nema þeir raði ekki pakkningunum svona hlið við hlið.“