Þriðjudagur 21. maí, 2024
4.8 C
Reykjavik

Offita og ótímabær dauði ógna þjóðinni – Íslendingar slá met og eru feitastir allra Evrópubúa

VefTv

- Auglýsing -

Hlaðvörp

- Auglýsing -

Íslendingar hafa stöðugt verið að þyngjast og fitna og eru nú feitastir allra Evrópubúa. Þjóðin glímir samhliða við sjúkdóma og ótímabær dauðsföll sem rakin eru beint til þessa ástands. Skýrsla OECD frá árinu 1920 sýnir þessa þróun greinilega. Willum Þór Þórsson heilbrigðisráðherra skipaði af þessu tilefni starfshóp til að finna leiðir til að snúa þessari hrikalegu þróun við. Ríkisútvarpið sagði frá þessu. 

Starfshópurinn leggur til skilgreind markmið í skýrslu sinni ásamt tillögum um aðgerðir til að efla lýðheilsu og draga þannig úr neikvæðum heilsufarslegum afleiðingum offitu án þess að valda frekari skaða.

Bent er á þau algildu sannindi að heilbrigðir lifnaðarhættir á öllum stigum þjóðfélagsins vinna gegn vágestinum. Tillögur hópsins eru þríþættar og snúa að  lýðheilsuaðgerðum. Þá telur hópurinn gagnaöflun og eftirlit nauðsynlegt. Í þriðja lagi er talið nauðsynlegt að breyta þeim áherslum innan heilbrigðiskerfisins sem tengjast ráðgjöf og meðferð.

Lagt er til að Ísland setji sér langtímastefnu til ársins 2034 þar sem hugað er að almennum lýðheilsuaðgerðum með áherslu á aldurshópinn 40 ára og yngri.

Þá er talið nauðsynlegt að efla þekkingu heilbrigðisstarfsfólks á orsökum og meðferð offitu.

Um milljarður mannkyns glímir við offitu sem að mestu leyti er rakin til kyrrsetu og óhófs í neyslu sykurs og annarrar óhollustu.

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.

Fullum trúnaði er heitið.

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -