Gunný Gunnlaugsdóttir var rekin frá KSÍ árið 2016.Hún var þá ófrísk og gengin átta mánuði á leið með sitt fyrsta barn. „Þetta var sannarlega draumastarfið mitt. Ég hafði líka starfað hjá Stjörnunni áður en markmiðið mitt var alltaf að komast inn hjá KSÍ og þegar ég var komin inn hélt ég bara að ég myndi vera þarna til æviloka,“ segir Gunný við Fréttablaðið í dag.
Fyrir uppsögninni,voru að hennar sögn, fundnar ýmsar ástæður og týnd til byrjendamistök sem flestir upplifa í nýju starfi en að undirtónninn hafi alltaf verið sá að þetta starf hentaði ekki konu með lítið barn.
Gunný lýsir því við Fréttablaðið hvernig umræða síðustu daga um málefni innan knattspyrnusambandsins hafi vakið með henni erfiðar tilfinningar. Svo hafi hún einfaldlega byrjað að hágráta yfir viðtali í Kastljósi við Viðar Halldórsson og Hönnu Björgu Vilhjálmsdóttur þar sem fjallað var meðal annars um karlamenninguna innan fótboltans og knattspyrnusambandsins.
Skjáskot: Fréttablaðið.
„Ég byrja að vola fyrir framan sjónvarpið,“ segir Gunný og þá hafi hún gert séð grein fyrir því að það sem var að angra hana hafi verið að það hafi verið brotið á henni innan sambandsins og hún hafi ekki getað brugðist við því á þeim tíma, en vilji gera það núna.
Draumastarfið hjá KSÍ
Gunný starfaði við „landsliðsmál“ voru mörg verkefni. Stærsta verkefnið var að sjá um alla landsleiki A-landsliðs kvenna að sögn Gunnýjar. Þetta hafði verið draumastarf, segir hún við Fréttablaðið.
KSÍ hefur undanfarið orðið uppvíst að þöggun varðandi siðleysi og kynferðisbrot leikmanna sinna. Kvenfyrirlitning hefur verið hluti af kúltúrnum. Guðni Bergsson, formaður sambandsins og öll stjórnin hafa sagt af sér. Styrktaraðilar eru á flótta og umræðan um KSÍ hefur aldrei verið eins slæm.