„Raunsætt mat er að við getum endað á þeim stað að skólaveturinn hefjist með aðgerðum. Hættan á því er raunveruleg. Við munum samt gera allt sem í okkar valdi stendur til að fyrirbyggja það,“ segir Ragnar Þór Pétursson, formaður Kennarasambands Íslands.
„Við munum samt gera allt sem í okkar valdi stendur til að fyrirbyggja það.“
Framhaldsskólakennarar hafa lokið samningum við hið opinbera og eru við það að ljúka samningum við einkareknu skólana. Samningar leik- og grunnskólakennara hafa verið lausir frá því um mitt síðasta sumar og í gangi eru samningaviðræður við samninganefnd sveitarfélaganna með það að markmiði að ná samningum fyrir haustið. Takist það ekki telur formaðurinn einsýnt að til aðgerða komi.
![](https://www.mannlif.is/wp-content/uploads/2020/06/ragnar-thor-petursson-sh-jpg-722x464-1.jpeg)
Sigríður Björk Einarsdóttir, framkvæmdastjóri Samfok, samtaka foreldra grunnskólabarna í Reykjavík, segist ekki vilja hugsa þá hugsun til enda komi til kennaraverkfalla í haust. Hún bendir á að mörg börn standi nú þegar tæpt eftir nýliðinn vetur.
Lestu nánar um málið í Mannlífi sem kom út í dag.