Play býður flugfar til Alicante fyrir einn fullorðinn, fram og til baka, með forfallatryggingu, bæði innrituðum farangri og handfarangri tæpum 73 þúsund krónum ódýrara en Icelandair.
Heildarverð hjá Play reyndist 55.054,- en alls 117.485,- hjá Icelandair. Icelandair býður upp á ókeypis sætaval en greitt er fyrir fríðindi eins og aukið fótapláss. Hjá Play er í boði að sleppa sætavali og greiða ekkert fyrir það en séu sæti valin kosta þau frá 499,- krónum. Dýrasta sætaval hjá Icelandair kostar 4.100,- krónur m.v. Economy Standard en 4.550,- hjá Play.
Forfallatrygging er svo 1.300,- krónum dýrari hjá Icelandair eða 3.300,- á móti 2.000,- krónum hjá Play.
Play býður upp á að flytja golfsett, skíði, reiðhjól og sérfarangur í bókunarferlinu og innheimta fyrir það frá 4.545,- til 7.904,- krónur. Slíkt val var ekki að finna í bókunarferli Icelandair.
Icelandair býður óáfenga drykki án endurgjalds og afþreyingarkerfi en Play innheimtir gjald fyrir allar veitingar og bjóði félagið upp á afþreyingu í vélinni er það ekki kynnt í bókunarferlinu.
Icelandair býður svo meðlimum Icelandair Saga Club að safna vildarpunktum með margvíslegum hætti sem er svo hægt að nota til að greiða fyrir flug, þjónustu o.fl.